Dünyanın ən böyük peyvənd müəssisələrindən birində yanğın

17:43 - 22 Yanvar
    9040 oxunma


Hindistanın Peyvənd İnstitutunda yanğın baş verib. ABŞ-ın CNN kanalı xəbər verir ki, Hindistanın Peyvənd İnstitutu dünyada vaksin istehsalı ilə məşğul olan ən böyük müəssisələrdən biridir. 50 il qabaq yaradılıb. Daha ucuz qiymətə peyvəndlər istehsal edir.

Hazırda institut koronavirus infeksiyasına qarşı “Covishield” adlanan vaksinin istehsalı ilə məşğuldur. İnstitut “Covishield” vaksininin istehsalını Böyük Britaniyanın Oksford Universiteti və Britaniya-İsveç şirkəti olan “AstraZeneca” ilə birgə həyata keçirir.

Yanğın institutun altı mərtəbəli binasının bir mərtəbəsində baş verib, başqa mərtəbələrə qismən ziyan dəyib.

Hadisəyə binada aparılan əlavə tikinti işləri zamanı ehtiyatsızlıqdan yol verilmiş xətanın səbəb olduğu ehtimal edilir. Yanğın zamanı beş nəfər ölüb, dörd nəfər xəsarət alıb. Onların inşaatıçılar olduğu bildirilir. İnstitut bəyan edib ki, yanğın hadisəsi peyvənd istehsalında fasiləyə səbəb olmayacaq. Çünki binada əvvəlcədən fövqəladə hallara hazırlıq məqsədilə ehtiyat otaqlar ayrılıb. Hazırda “Covishield” peyvəndinin istehsalına ara verməmək üçün həmin otaqlardan istifadə olunacaq.

Hindistanın Peyvənd İnstitutunda milyonlarla dozada “Covishield” peyvəndi hazırlanır. İnstitut yaxın vaxtda istehsalı yüz milyonlarla dozaya çatdırmağı planlaşdırır. “Covishield” peyvəndi əsasən Hindistanda istifadə üçün nəzərdə tutulub. İnstitut bu vaksinin xarici ölkələrə ixrac ediləcəyini də açıqlayıb./Novator/

Bizimxeber.az

Daha tez məlumatlanmaq üçün yeni Facebook səhifəmizi


Loading...




Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84