. .

DİN-dən cəbhəçi gəncin saxlanılması ilə bağlı açıqlama

15:19 - 13 Mart
    6675 oxunma

Daxili İşlər Nazirliyi Orduya dəstək yürüşündə iştirak edən AXCP üzvü Laçın Vəliyevin əsassız yerə saxlanılması barədə sosial şəbəkədə yayılan iddialara münasibət bildirib. 

DİN Mətbuat xidmətindən bildirilib ki, heç kim əsassız olaraq saxlanılmır: “Saxlanılan şəxslər konkret törətdikləri əmələ görə saxlanılırlar.

O ki qaldı vətəndaş Laçın Vəliyevə, bildiririk ki, dörd vətəndaş polisə müraciət edərək Bakı şəhərinin Yeni Ramana qəsəbəsində ev və torpaq alqı-satqı fəaliyyəti ilə məşğul olan Laçın Vəliyev ad-soyadlı şəxsin onların ümumilikdə 32 min 600 manat olmaqla ayrı-ayrılıqda 7 min, 11 min, 10 min və 4 min 600 manat pullarını ev və torpaq sahəsi satacağı adı ilə mənimsəyərək dələduzluq etməsini bildiriblər.

İlkin araşdırmalarla L.Vəliyevin həmin vətəndaşlara qarşı dələduzluq əməli törətməsi müəyyən edilib. Faktla bağlı Cinayət Məcəlləsinin 178.2.2 və 178.2.4-cü (xeyli miqdarda ziyan vurmaqla təkrar törədilən dələduzluq) maddələri ilə cinayət işi başlanılaraq istintaq tədbirləri davam etdirilir.

Martın 11-də Laçın Vəliyev saxlanılaraq istintaqa cəlb edilib. Lakin vətəndaşlardan mənimsədiyi vəsaiti tezliklə qaytaracağı vədini nəzərə alan müstəntiq L.Vəliyevin polisin nəzarətinə verilməklə martın 13-də, qanunla müəyyən edilmiş 48 saat ərzində sərbəst buraxılması barədə qərar qəbul edib”.

Bizimxeber.az

DAHA TEZ MƏLUMATLANMAQ ÜÇÜN FACEBOOK SƏHİFƏMİZİ



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84