Bu video maskalarla bağlı müzakirə yaratdı - VİDEO

15:39 - 10 İyul
    1385 oxunma

Koronavirus pandemiyasının yayıldığı ilk vaxtlardakı maska qıtlığı 2 yeni zavodun açılması ilə demək olar ki, öz həllini tapıb. 

Bizimxeber.az "Qafqazinfo”ya istinadən xəbər verir ki, artıq vətəndaşlar apteklərdən istədikləri miqdarda maska əldə edə bilsələr də, məhsulun keyfiyyətindən razı deyillər. Belə ki, sosial şəbəkə istifadəçiləri yerli istehsal olan maskaların hələ istifadə edilmədən qulplarının qopduğunu, kəskin qoxu gəldiyini, xüsusilə qara maskaların keyfiyyətsiz olduğunu əks etdirən foto-videolar yayırlar. 

Bu kimi paylaşımlardan birini də aparıcı Fərid Rəsul (Gözəlov) edib. O, yayımladığı videoda aptekdən aldığı maskaların heç birinin ölçüsünün üzünə uyğun gəlmədiyini, standart ölçülərdən xeyli balaca olduğunu göstərib. 

Bəs maskaların standart ölçüsü necədir və balaca ölçülü maskalar istehsalat xətası sayılırmı?

Bu sualımıza Səhiyyə Nazirliyinin maskalarla bağlı ümumi təsnifatına əsasən cavab verə bilərik ki, maskaların istehlakçının konkret yaş qrupuna uyğun ölçülər üzrə bölgüsü mövcuddur:

• yenidoğulmuşlar və 5 yaşa qədər uşaqlar üçün maska – ölçüləri 12 x 7 sm təşkil edir;

• 5 yaşdan 14 yaşadək pasiyentlər üçün uşaq maskası – ölçüləri 14 x 8 sm təşkil edir;

• böyüklər üçün maska – ölçüləri 17 x 9,5 sm təşkil edir.

Bu təsnifata görə deyə bilərik ki, aparıcıya təqdim olunmuş maska elə azyaşlılar üçün nəzərdə tutulub. Ancaq bu zaman əczaçı aptekdə olan zaman müştəriyə bu barədə xəbərdarlıq etməli, maskanın neçə yaşlı şəxs üçün alındığı barədə sual verəndən sonra satışı həyata keçirməlidir. 

Paytaxtda satılan maskalarda bu təsnifata əməl olunub-olunmadığını öyrənmək üçün bir neçə məşhur apteklər şəbəkəsi ilə əlaqə saxladıq. Hər birindən bildirildi ki, hazırda apteklərdə uşaq maskası satışda yoxdur, onlar standart olaraq sadəcə bir cür maska satırlar.

Qeyd edək ki, maskalarla bağlı yönləndirdiyimiz sorğulara cavab olaraq istər TƏBİB, istərsə də Səhiyyə Nazirliyindən bildirilib ki, bu məsələ onların səlahiyyəyində deyil. 

Xatırladaq ki, hazırda Azərbaycanda qapalı yerlərdə maska taxmaq məcburidir. 30 qəpiyə satılan maskalardan istifadə edilməməsi vətəndaşın cərimələnməsi ilə nəticələnir. 


Daha tez məlumatlanmaq üçün yeni Facebook səhifəmizi




Şərhlər



Haqqımızda

“BizimXƏBƏR” Media Mərkəzi MMC

Baş redaktor Ədil Hüseynli
Şef redaktor Şaiq Mustafayev
 
  Bizimxeber_az@mail.ru 
  adil-1980@mail.ru

  Mobil və Whatsapp  -  (077) 611-44-00
                                        (050) 514-27-84