Volqoqrad veteranları 2023-cü il fevralın 2-də qeyd olunacaq Stalinqrad döyüşündə nasist qoşunlarının məğlubiyyətinin 80-ci ildönümünün qeyd olunması ərəfəsində qəhrəman şəhərə tarixi adın qaytarılmasının son dərəcə məqsədəuyğun olacağına inanırlar. 

Bizimxeber.az bildirir ki, regionun rəhbəri Andrey Boçarov artıq veteranların müraciətinə cavab verib. O , şəhərin adının dəyişdirilməsi ilə bağlı əhalinin rəyinin ilkin öyrənilməsi üçün ictimai şuranın yaradılmasını elan edib. Dekabrın 5-də şuranın ilk iclası keçirilib.

Volqoqrad Şəhər Veteranlar Şurasının rəhbəri Aleksandr Strukov TASS-a bildirib ki, referenduma hazırlıq üçün 4-6 ay vaxt ayrılıb. Bu müddət ərzində ictimai şura şəhərin adının dəyişdirilməsi ilə bağlı bütün rayon nümayəndələrinin rəyini öyrənməyi planlaşdırır.

“Əhalinin əksəriyyəti şəhərin tarixi adının “Stalinqrad”ın qaytarılmasına razılıq verərsə, şübhəsiz ki, belə bir qərar veriləcək. Volqoqrad vilayətində Stalinqrad şəhəri olacaq”, - deyə Strukov izah edib.