Ukraynada 279 uşaq itkin düşüb

Ukraynada hazırda Rusiya ilə genişmiqyaslı müharibə başlayandan bəri 279 uşaq itkin düşmüş hesab olunur, 7460 uşaq tapılıb.

Bizimxeber.az bildirir ki, bu barədə ölkənin Baş Prokurorluğu məlumat yayıb. 

“2022-ci il noyabrın 12-nə təsirə məruz qalan uşaqlar haqqında məlumatlar: 279 - itkin düşüb, 11 028 - deportasiya edilib, 7 460 - tapılıb, 96 - geri qaytarılıb", - hesabatda deyilir.

O da qeyd olunur ki, Rusiya ilə genişmiqyaslı müharibə nəticəsində 1250-dən çox uşaq zərər çəkib. Lakin bu rəqəmlər yekun deyil, çünki onların aktiv döyüş əməliyyatları aparılan yerlərdə, müvəqqəti işğal olunmuş və azad edilmiş ərazilərdə yaradılması istiqamətində işlər davam etdirilir.