Ukrayna Alman şirkətlərindən birinə 300 dron sifariş verib

Yazar Bizimxəbər 2023-05-31 23:27:00 3460

Ukrayna alman şirkətlərindən birinə 300 kəşfiyyat təyyarəsi sifariş edib. 

Bizimxeber.az bildirir ki, bu barədə Quantum Systems şirkəti məlumat yayıb.

Məlumatda qeyd olunur ki, eyni sifariş ABŞ Dəniz Piyadaları Xüsusi Qüvvələri tərəfindən də sifariş verilib. Onlar gələcəkdə kəşfiyyat missiyaları üçün Quantum Systems şirkətinin dronlarından istifadə etmək istəyir. ABŞ Müdafiə Nazirliyi bu yaxınlarda departamentin elan etdiyi 20 milyon dollarlıq müqavilə imzalayıb. 100 Vektor dronunun çatdırılması planlaşdırılır.

Şirkətin rəhbəri Florian Seibel bildirib ki, xüsusi təyinatlılar gecə vaxtı rezin qayıqla ərazini kəşf etmək üçün onlardan istifadə edirlər. Pentaqon son bir neçə ay ərzində bu dronları sınaqdan keçirir. Seibel ABŞ ordusunda və onun hüdudlarından kənarda daha çox pilotsuz təyyarə alıcıları tapmağa ümid edir.

Həmçinin bildirilir ki, Ukrayna da şirkətdən 300 kəşfiyyat aparatı sifariş edib. Onların nə vaxt istehsal olunaraq Ukrayna Silahlı Qüvvələrinə təhvil veriləcəyi də bəlli deyil.