Türkiyə "Eurofighter" alması ilə bağlı Almaniyadan "müsbət siqnallar" gözləyir

Yazar Bizimxəbər 2024-10-11 15:45:09 5598

Türkiyə hökuməti 40 "Eurofighter Typhoon" alması ilə bağlı Almaniyanın irəliləyişə kömək edəcəyini gözləyir. 

Bizimxeber.az "Yevropeyska pravda”ya istinadən xəbər verir ki, bu barədə dpa agentliyinə məsələ ilə bağlı məlumatlı mənbələr məlumat verib. Agentliyin həmsöhbətlərinin sözlərinə görə, Türkiyə tərəfi bu məsələ ilə bağlı Almaniyadan "müsbət siqnallar” gözləyir. Mənbələr əlavə edib ki, "texniki müzakirələr” hələ də davam edir. Türkiyə müdafiə qabiliyyətini 40 "Eurofighter Typhoon" qırıcısı ilə gücləndirməyə ümid edir. 

Almaniya "Eurofighter"in istehsalında iştirak edir və ixrac müqaviləsi bağlamaq üçün Berlinin razılığı tələb olunur. Türkiyə keçən ildən etibarən Almaniyadan satınalma icazəsi almaqda israr edir. Türkiyənin müdafiə naziri Yaşar Gülər daha sonra bildirib ki, Ankara artıq Böyük Britaniya və İspaniyanın və qalan podratçıların razılığına malikdir. 

2016-cı ilə qədər Almaniya bu ölkəyə geniş miqyasda silah ixracını təsdiq edirdi. Çevriliş cəhdi və Türkiyənin Suriyanın şimalında hərbi əməliyyatdan sonra Almaniyanın Türkiyəyə silah ixracı əhəmiyyətli dərəcədə azalıb. 

Bu yaxınlarda mətbuatda Almaniyanın uzun müddətdən sonra ilk dəfə olaraq Türkiyəyə əhəmiyyətli miqdarda silah satışına icazə verdiyi barədə məlumatlar yayılıb. Bundan əlavə, iyul ayında Türkiyə prezidenti Rəcəb Tayyib Ərdoğan Almaniya kansleri Olaf Şoltsdan Ankaraya "Eurofighter" qırıcılarının satışına qoyulan qadağanı ləğv etməyə çağırıb.