Tramp Ukraynana yardımı dayandırsa... Vəziyyət açıqlandı

Yazar Bizimxəbər 2024-12-11 17:16:26 5851

"Vaşinqtonun yardımı kəsilsə belə, Ukraynanın azı 2025-ci ilin birinci yarısınadək müqavimət göstərmək üçün kifayət qədər vəsaiti və silahı var”. 

Bizimxeber.az bildirir ki, Ukraynanın maliyyə naziri Serhiy Marchenko El Pais- ə müsahibəsində bildirib.

O deyib ki yardımın mümkün dayandırılması Ukraynanın müdafiə qabiliyyəti üçün ciddi problemdir, lakin qaçılmaz çöküş deyi:"Bizim yeni administrasiya ilə əməkdaşlıq üçün lazımi şərait yaratmaq üçün planımız olmalıdır. Əməkdaşlıq üçün inam yaratmaq Ukraynanın təbii maraqlarına uyğundur. Hesab edirəm ki, bu, həm Ukrayna, həm də Avropa üçün prioritet strategiya olmalıdır", - o vurğulayıb. . 

"Hesab edirəm ki, ən azı 2025-ci ilin birinci yarısına qədər müqavimət göstərmək üçün kifayət qədər vəsaitimiz, kifayət qədər silahımız, kifayət qədər raket və artilleriya mərmilərimiz var. Biz 2025-ci ildə sursat və lazımi hərbi texnikanın alınması üçün kifayət qədər büdcə ayırmasını təmin edəcəyik", - o, əmin edib. 

Marçenko qeyd edib ki, Ukrayna hazırda ABŞ-dan lazımi silahlar alır.

"Bu o deməkdir ki, ən azı ilin birinci yarısında və ondan sonra biz bu təcavüzə müqavimət göstərmək üçün yaxşı silahlanmış olacağıq. Ukrayna ABŞ-dakı əsas müttəfiqlərimizlə lazımi danışıqları aparmaq üçün bu vaxtdan çox ağıllı şəkildə istifadə etməlidir", - o, yekunlaşdırıb.

Xatırladaq ki, ötən gün ABŞ prezidentinin milli təhlükəsizlik müşaviri Ceyk Sallivan yanvarın ortalarına qədər Ukraynaya əlavə yüz minlərlə artilleriya mərmisi, minlərlə raket və yüzlərlə zirehli texnikanın təhvil veriləcəyini vəd etmişdi.

Dövlət katibi Entoni Blinken NATO-nu və Ukrayna tərəfini Ukrayna üçün Konqresin icazə verdiyi maliyyə vəsaitindən tam istifadə etməyə hazır olduqlarına inandırıb.

Dekabrın 7-də ABŞ Müdafiə Nazirliyi Ukraynaya təxminən bir milyard ABŞ dolları dəyərində yeni əhəmiyyətli təhlükəsizlik yardımı paketini elan etdi.