Tixanovskaya Qərbə çağırış etdi - Belarusdakı “seçkilər"i tanımayın!

Yazar Bizimxəbər 2025-01-07 22:20:41 5534

Belarusda keçiriləcək qondarma prezident seçkilərini seçki adlandırmaq olmaz və Qərbi bu seçkiləri tanımamağa çağırıram.

Bizimxeber.az bildirir ki, bunu Vahid Belarus müxalifətinin lideri Svetlana Tıxanovskaya Litva Seyminin spikeri Saulius Skvernialis ilə görüş zamanı deyib.

Tıxanovskayanın sözlərinə görə, yanvarın sonunda Belarusda baş verəcək hadisələrin “seçkilərlə heç bir əlaqəsi yoxdur”.

“Bütün kütləvi informasiya vasitələrinin məhv edildiyi, bütün partiyaların ləğv olunduğu, siyasi liderlərin həbsdə olduğu və ya xaricə getdiyi ölkədə ədalətli seçki keçirmək mümkün deyil”, o əlavə edib.

Belarus müxalifətinin lideri hesab edir ki, səsvermənin simulyasiyası zamanı hər şey “saxta, sürətli, qeydə alınmış” baş verəcək və “Lukaşenkanın ritualına” çevriləcək. "Əlbəttə, biz demokratik tərəfdaşlarımızı bu qondarma seçkiləri tanımamağa çağırırıq. Belaruslulara heç nə izah etməyə ehtiyac yoxdur, çünki bu ritualdan sonra Lukaşenko xalqın gözündə legitim olmayacaq", - o əlavə edib.