“TikTok” Rumıniyadakı seçki nnəticələrinə ciddi təsir edib

Yazar Bizimxəbər 2024-11-27 09:10:26 10453

Avropa Parlamentinin “Avropanı Yenilə” liberal siyasi qrupunun rəhbəri Valeri Aye “TikTok”un baş direktorundan Avropa Parlamentinə gəlməsini və sosial şəbəkənin Rumıniya prezident seçkilərindəki rolu ilə bağlı suallara cavab verməsini tələb edib.

Bizimxeber.az bildirir ki, bu barədə "Politico" nəşri məlumat verib.

Liberalların siyasi qrupunun lideri əlavə edib ki, "radikallaşma və dezinformasiya bütün Avropada baş verə bilər və zərərli nəticələrə səbəb ola bilər" və Rumıniyadakı vəziyyəti "həyəcan zəngi" adlandırıb.

İlk turda gözlənilmədən birinci yeri tutan müstəqil namizəd Celin Giorgesku Rumıniyada anti-Qərb ideyalarının ən açıq təbliğatçılarından biridir. Onun sosioloqlar tərəfindən qeydə alınmayan populyarlığının TikTok-dakı kampaniya ilə təmin olunduğu güman edilir.

Rumıniyanın baş naziri Marcel Ciolacu – eyni zamanda prezidentliyə namizədliyini irəli sürmüş, lakin uğursuzluğa düçar olmuş – Georgescu-nun TikTok kampaniyasının maliyyələşdirilməsini təhlil etmək lazım olduğunu söylədi.