Rusiya Əsədə hərbi yardım göndərir - 4 ölkə bəyanat yaydı
"Baydenin oğlunu əfv etməsi ədalətsilikdir" - Tramp
Əsəd Ərdoğanla görüşmək istəyir
Slovakiyanın paytaxtı Bratislavada minlərlə insan ötən gecə Robert Fikonun rəhbərlik etdiyi hökumətin siyasətinə etiraz edib.
Bizimxeber.az bildirir ki, bu barədə AP məlumat verib.
Aksiya Məxməri İnqilabın 35-ci ildönümündə, Çexoslovakiyanın kommunist idarəçiliyinə son qoyaraq Çexiya və Slovakiyaya parçalanması zamanı baş tutub. Etiraz müxalifəti, xüsusən liberal “Tərəqqiçi Slovakiya”, biznes yönümlü “Azadlıq və Həmrəylik”, eləcə də mühafizəkar Xristian Demokratları birləşdirib.
Aksiya iştirakçıları Fico-nun demokratiya üçün təhlükə olduğunu bildiriblər. "Hökumət bizim azadlığımızı və demokratiyamızı əlimizdən alır", - izdihamda plakat yazılıb.
1989-cu ildə Slovakiyanın liderlərindən olan Frantişek Mikloşko meydanda olanlara "Slovakiya Qərb sivilizasiyasının bir hissəsi olub və olacaq. Biz heç kimin bizi Moskvaya doğru aparmasını istəmirik" dedi. “Azadlıq və Həmrəylik” partiyasının lideri Branislav Qrölinq bildirib ki, Fico ölkəni “Rusiya və kommunist Çində olduğu kimi avtoritar rejimə aparır”.
Hazırda ölkədə ən populyar partiya olan Tərəqqiçi Slovakiyanın rəhbəri Mixal Şimeçka bildirib ki, müxalifət azadlığı və demokratiyanı qorumaq üçün əlindən gələni edəcək. "Slovakiya azad insanlar ölkəsidir və olacaq. Azad insanlar isə susmayacaqlar", - o deyib.
