"Gürcüstanı əmin-amanlığa birgə çıxarmalıyıq”...
Həbsdə olan eks-prezident Mixeil Saakaşvili oktyabrın 26-da keçiriləcək parlament seçkiləri ilə bağlı Gürcüstan azərbaycanlılarına Azərbaycan dilində müraciət edib.
O, bu barədə sosial media hesabında paylaşım edib.
"Mənim əziz həmvətənlərim! Bu, sizin həyatınızın ən əsas seçkisidir. Ayın 26-da qalib gəlməliyik. Sizi nə qədər çox sevdiyimi yaxşı bilirsiniz. Biz bərabər çox işlər görmüşük və irəli də birgə görüləcək daha çox işlərimiz var. Vətənimiz Gürcüstanı əmin-amanlığa birgə çıxarmalıyıq. Heç nədən qorxmayın. "Sizin səsinizin heç bir əhəmiyyəti yoxdur və ya hökumət sizin kimə səs verdiyinizi biləcək” deyənlərə inanmayın. Rahat seçkilərə gedin və 5 nömrəyə səs verin”, – Saakaşvili bildirib.
Eks-prezident Gürcüstan ermənilərinə də eyniməzmunlu müraciət ünvanlayıb.