Putin mənim xətrimə onu azad edəcək – Tramp

Yazar Bizimxəbər 2024-05-24 00:11:31 9094

Jurnalist Evan Gerşkoviçin Rusiya həbsxanasından azad edilməsi üçün Prezident Vladimir Putinlə münasibətimdən istifadə edəcəm.

Axar.az xəbər verir ki, bu sözləri ABŞ-ın sabiq prezidenti, 5 noyabrda keçiriləcək prezident seçkilərində namizəd Donald Tramp deyib. “Rusiyanın əlində olan “Voll Strit Jurnal”ın müxbiri Evan Gerşkoviç seçkidən dərhal sonra, lakin mən vəzifəyə başlamazdan əvvəl azad ediləcək”, - Tramp özünün sosial şəbəkəsində yazıb.

O bildirib ki, Vladimir Putin bunu mənim üçün edəcək, başqası üçün deyil.

Qeyd edək ki, 1991-ci il təvəllüdlü ABŞ vətəndaşı Gerşkoviçin saxlanması barədə 2023-cü il martın 29-da Rusiya Federasiyası FTX-nin İctimaiyyətlə Əlaqələr Mərkəzi (PXM) məlumat yayıb. Jurnalist casusluqda ittiham olunub.