Polşada seçkilərə təsir etmək istəyən rus qruplaşması çalışır

Yazar Bizimxəbər 2025-01-10 16:09:20 10906

Polşada Rusiya xüsusi xidmət orqanlarından ilhamlanaraq dezinformasiya yayaraq Polşa seçkilərinə təsir etməyə çalışan qrup aşkarlanıb.

Bizimxeber.az bildirir bunu baş nazirin müavini Kşiştof Havkovski deyib.

"Son günlərdə Rusiyanın QRU hərbi kəşfiyyatı tərəfindən ilhamlanaraq öyrədilmiş, məqsədi Polşa seçkilərinə təsir etmək olan başqa bir rus qrupu aşkar edilib. Təkcə Polşa siyasi səhnəsinə deyil, həm də Polşa seçkilərinə müdaxilə edilir", - Havkovski deyib.

O izah edib ki, söhbət “dezinformasiya, yalan məlumat yaymaq” və “Polşada siyasi səhnənin birliyini pozmaq üçün insanları məzmun yaradıcısı olmaq üçün işə cəlb etmək”dən gedir.

Bu qrupun üzvlərinin kim olduğunu soruşduqda o, “bu, rus qrupudur, amma müxtəlif adamları cəlb edə bilər” cavabını verib. "Rusiya Polşa ilə kibermüharibə aparır. Biz Avropa İttifaqında ən çox hücuma məruz qalan ölkəyik", - baş nazirin müavini deyib.

Polşada prezident seçkilərinin birinci turu mayın 18-də, ikinci tur isə zərurət yaranarsa, iyunun 1-də keçiriləcək.