Polşa Roma Nizamnaməsini pozdu - Netanyahu həbs edilməyəcək

Yazar Bizimxəbər 2025-01-10 00:50:38 8906

Polşa Beynəlxalq Cinayət Məhkəməsinin orderinə baxmayaraq, Netanyahuya Osvensim şəhərinin azad edilməsinin 80-ci ildönümünə gəlməsinə icazə verdi.

Bizimxeber.az bildirir ki, bu barədə Polşa hökuməti İsrailin baş naziri Benyamin Netanyahunun Osvensimdəki Osvensim-Birkenau düşərgəsinin azad edilməsinin 80-ci ildönümünün qeyd edilməsində “azad və təhlükəsiz iştirakına” zəmanət verən qətnamə qəbul edib.

Qətnamənin mətni Polşa hökumətinin saytında dərc olunub.

Qətnamədə vurğulanır ki, İsrail liderlərinin Osvensimdəki konsentrasiya düşərgəsinin azad edilməsinin 80-ci ildönümü münasibətilə keçirilən bayram tədbirlərində təhlükəsiz şəkildə iştirakı “milyonlarla qızı və oğulları hərbi təcavüzün qurbanı olmuş yəhudi xalqına hörmətin bir hissəsi kimi qəbul edilir. Holokost Üçüncü Reyx tərəfindən törədilib”.

Bununla əlaqədar olaraq, “Polşa hökuməti bəyan edir ki, İsrailin ən yüksək nümayəndələrinin bu bayramlarda sərbəst və təhlükəsiz iştirakını təmin edəcək”, - sənəddə deyilir.

Xatırladaq ki, 2024-cü ilin noyabrında Beynəlxalq Cinayət Məhkəməsi Benyamin Netanyahu və İsrailin keçmiş müdafiə naziri Yoav Qalantın Qəzzada “müharibə cinayətləri və insanlığa qarşı cinayətlər”lə bağlı həbs qərarı verib.  Polşa BCM-nin Roma Nizamnaməsinə üzv olan dövlət kimi Netanyahunu ölkəyə gələrsə, həbs etməyə borcludur. Məhkəmə bəyan edib ki, onlar qərarlarını icra etmək üçün üzv dövlətlərə güvənirlər.