"Onlar hərbi tribunalın skamyasında oturmalıdır" - Litva ATƏT-ə şərt qoydu

Yazar Bizimxəbər 2023-02-03 17:36:00 555

Rusiya nümayəndələrinin iştirakına icazə verilsə,  Litva ATƏT-in Parlament Assambleyasının fevralın sonunda Vyanada keçiriləcək sessiyasını boykot edəcək.

Bizimxeber.az bildirir ki, bunu ATƏT PA-da Litvanın nümayəndə heyətinin rəhbəri Viliya Aleknaite-Abramikiyene deyib.

Onun sözlərinə görə, hazırda Litva tərəfi Avstriya hökumətinin qərarını gözləyir.

“Əgər Rusiya nümayəndə heyətinin iştirakı ilə bağlı mövqe nəzərə alınmasa, bizim sessiyada işləmək imkanımız olmayacaq”, - deyə o bildirib.

Litvalı nümayəndələr hərbi tribunalın skamyasında oturmalı olan insanlarla bir masa arxasında əyləşməyi mümkün hesab etmirlər.

Noyabrda Ukrayna nümayəndə heyəti də ATƏT PA-nın işini boykot etmək niyyətini açıqlayıb . Onun üzvü Yevgeniya Kravçukun sözlərinə görə, Kiyev təşkilat Rusiya nümayəndələrini kənarlaşdırana qədər bu xəttə sadiq qalmaq niyyətindədir.