"Nazarbayev mənəvi və siyasi cəhətdən Kremllə sıx bağlıdır" - Tokayev

Yazar Bizimxəbər 2025-01-03 13:24:46 3803

Qazaxıstan prezidenti Kasım-Jomart Tokayev Nazarbayevlə olan münasibətlərinə aydınlıq gətirib. Bizimxeber.az bildirir ki, o, “Ana Tili” qəzetinə müsahibəsində Nursultan Nazarbayevlə hazırkı münasibətindən danışıb və Qazaxıstan hökumətində qeyri-müəyyən vəziyyətin yarandığı 2021-ci ildə baş verən hadisələri xatırladıb.

Tokayevin sözlərinə görə, Nazarbayevin dövründə həm müsbət, həm də mənfi cəhətlər olub və keçmişdə baş verən hadisələrə obyektiv qiymət verilməlidir.

"Siz öz tarixinizi siyasi vəziyyətə uyğun olaraq tez bir zamanda yenidən formalaşdıra bilməzsiniz və tarixi sıfırdan yenidən yazmaq daha təhlükəlidir. Nazarbayev istefa verdikdən sonra o, “siyasi incəliyi” ilə seçilməyib, nazirlər, akirlər, Milli Bankın rəhbəri və baş nazirlə görüşlər keçirməyə davam edib. Hətta bir zarafat da var idi. İstefadan sonra Nazarbayev yüksəldi və prezident ona tabe oldu”.

O qeyd edib ki, həmin an bu vəziyyət məmurlar arasında çaşqınlıq yaradıb və onlar kimin göstərişini yerinə yetirməli olduqlarını çaşdırıblar.

O, Nazarbayevin 2024-cü ilin dekabrında Putinlə görüşü barədə də danışıb. Tokayevin sözlərinə görə, bu, eks-prezidentlə Rusiya lideri arasında son bir ildə ikinci görüş olub. Birincisi payızda olub və media bu barədə məlumat verməyib. Prezidentin sözlərinə görə, bu, daha çox köhnə dostların və həmkarların görüşüdür.

“Unutmamalıyıq ki, Qazaxıstan SSR Nazirlər Sovetinin keçmiş sədri, partiya lideri, sonra isə suveren Qazaxıstanın prezidenti kimi o, mənəvi və siyasi cəhətdən Kremllə sıx bağlıdır”, - Tokayev bildirib.