Lukaşenko Gürcüstanın MDB-yə qayıtmasına ümid edir

Yazar Bizimxəbər 2024-10-09 15:48:26 2646

Belarus prezidenti Aleksandr Lukaşenko, Moskvada keçirilən MDB sammitində Gürcüstanın “MDB ailəsi”nə geri qayıtmasını arzuladığını bildirib.

Lukaşenko, “Çox yaxşı olardı ki, Gürcüstan bizim ailəmizə qayıtsa, Moldova tam iştirakını bərpa etsə, Ukrayna hakimiyyəti də öz ağlına gəlsə, normal həyatın bərpasında biz də iştirak etməli olacağıq. Bunun baş verəcəyinə tam əminəm. Bu, sadəcə, vaxt məsələsidir,” deyə vurğulayıb.

Lukaşenko, MDB-nin birliyindən ayrılmayan ölkələrin müsbət nəticələr göstərdiyini qeyd edib və onların beynəlxalq münasibətlərdə tam hüquqlu subyektlər olaraq qaldığını bildirib.

Daha əvvəl Lukaşenko, Gürcüstanın “Qərbin vədləri ilə kifayətlənərək” MDB bazarına geri dönmək istədiyini vurğulamışdı: “Çünki heç kim sizi öz bazarlarına süd, ət və ya şərabla buraxmayacaq.” O, həmçinin, Gürcüstanın digər postsovet ölkələrindən “artıq uzaqlaşdığını” və burada gənclərin rus dilindən çox ingilis dilində danışdığını qeyd edib.