Litva Moskvaya nota verdi

Yazar Bizimxəbər 2024-11-26 22:54:21 16665

Litva Rusiyanın Ukraynadakı hərbi cinayətlərinə etiraz notasını ölkədəki səfirliyinin müvəqqəti işlər vəkilinə təqdim edib.

Bizimxeber.az bildirir ki, bu barədə Litvanın Xarici İşlər Nazirliyi məlumat yayıb .

Agentliyin bildirdiyinə görə, noyabrın 26-da Litva Yolkini Xarici İşlər Nazirliyinə çağıraraq Rusiyanın Ukraynaya və xalqına qarşı davam edən hərbi cinayətlərinə kəskin etirazını bildirən nota təqdim edib.

“Rusiya Ukraynaya qarşı təcavüzünü davam etdirərkən və Ukrayna şəhərlərini və onların sakinlərini, eləcə də onların daxilindəki kritik infrastrukturu getdikcə daha çox atəşə tutduqca, Rusiya qoşunlarının silahsız ukraynalı hərbi əsirləri güllələdiyi və digər hərbi cinayətlər törətdiyi barədə həyəcan verici xəbərlər yayılır Bu barədə Litva Xarici İşlər Nazirliyi məlumat yayıb.

Departament qeyd edib ki, təkcə 2024-cü ilin oktyabr və noyabr aylarında ən azı üç belə insident qeydə alınıb və 20-dən çox ukraynalı hərbçi həlak olub.

"Bugünkü görüşdə Rusiya Federasiyasının nümayəndəsinə vurğulanıb ki, Rusiya rəhbərliyi və hüquq-mühafizə orqanları bu cinayətlərin araşdırılması və qarşısının alınması üçün tədbirlər görməsələr, onlar bu cinayətlərdə iştirakçı sayılacaqlar", - Litvadan bildiriblər. 

Bəyanatda həmçinin qeyd olunub ki, Rusiyanın Ukraynaya qarşı hərbi təcavüzünə haqq qazandıran və aktiv və ya passiv səyləri ilə Rusiya Federasiyasının çoxsaylı hərbi cinayətlərə görə məsuliyyətini yuyan rus diplomatları da məsuliyyəti bölüşməli olacaqlar.