Kür çayında ekoloji fəlakət xəbərdarlığı - Səviyyə minimuma düşdü

Salyanda Kür çayında suyun səviyyəsi xeyli aşağı düşüb.

Bizimxeber.az xəbər verir ki, son günlər çayda suyun səviyyəsinin sürətlə azalması müşahidə olunur.

Təkcə son 10-15 gündə Kür çayında suyn səviyyəsi 1 metrdən çox azalaraq minimum həddən də aşağı düşüb. Bu da sahilboyu quraşdırılımış su nasoslarının tam gücü ilə işləməsində və əkin sahələrinin suvarılmasında çətinliklər yaradıb.

Hazırda Kürlə mühafizə bəndləri arasında məsafənin hündürlüyü 10 metrə yaxınlaşıb. Mütəxəssislər hesab edir ki, vəziyyət belə davam etsə, gələcəkdə ekoloji fəlakət yarana bilər.