Kolumbiya ABŞ -la iri həcmli neft layihəsini dayandırdı

Yazar Bizimxəbər 2025-02-06 08:35:36 652
Bizi Telegram İzləyin!

Kolumbiya prezidentindən ABŞ-a qarşı gözlənilməz addım atılıb.

Bizimxeber.az bildirir ki, prezident Gustavo Petro, ölkənin dövlət neft şirkəti Ecopetrol-a, ABŞ-dakı neft əməliyyatlarını satmağı əmr edib. Prezident bu qərarı ölkəsinin iqtisadiyyatını yaşıllaşdırma və bərpa olunan enerjiyə yönəltmə planları ilə əlaqələndirib. 

"Ecopetrol" ömürlük ölümə yol açan fəaliyyətinə qarşıyam və frakinq əməliyyatlarının əleyhinəyəm. Satışdan gələn gəlir təmiz enerji sahəsinə sərf ediləcək".

Ecopetrol ilə ABŞ-a məxsus Occidental Petroleum (Oxy) arasında qurulacaq yeni birgə müəssisənin, gündə təxminən 90,000 barel neft hasil edəcəyini qeyd edərək, frakinqin təbiət və bəşəriyyətə zərərli olduğunu vurğulayıb.

Qeyd edək ki, bu qərar, prezident Donald Trumpın Kolumbiyaya qarşı tətbiq etdiyi ticarət tarifləri və mühacirətlə bağlı sərt təzyiqlərdən sonra verilib. 

Tramp, Kolumbiyanı hədələyərək, ölkənin ABŞ-a ixracına 25% tarif tətbiq etməklə təzyiq göstərmişdi. Həmçinin Petro ABŞ-ın Kolumbiyalı miqrantlara qarşı sərt davranışlarını qəbul etməyəcəyini bildirib və buna qarşılıq olaraq Kolumbiya öz ixracına əlavə tariflər qoymuşdu.

Bu hadisələr, Kolumbiya ilə ABŞ arasındakı gərgin münasibətləri daha da şiddətləndirib, amma Petro, ölkəsinin siyasətini tərtib edərkən ABŞ-ın təzyiqlərini qəbul etməyəcəyini və müstəqil bir kurs izləyəcəyini bəyan edib.