Jurnalist Əziz Orucovun həbs müddəti yenidən uzadıldı

Yazar Bizimxəbər 2024-06-25 15:08:11 10159

"Kanal 13” internet televiziyasının rəhbəri, jurnalist Əziz Orucov barəsində seçilmiş həbs qətimkan tədbiri müddətinin yenidən uzadılması ilə bağlı məhkəməyə müraciət edilib. Bu barədə təqsirləndirilən şəxsin vəkili Bəhruz Bayramov məlumat verib.

Prokurorun təqdimatına Səbail Rayon Məhkəməsində baxılıb. Məhkəmə təqdimatı əsaslı hesab edib. Qərar əsasən, Ə.Orucovun həbsdə saxlanılma müddəti 3 ay uzadılıb.

Qeyd edək ki, Ə.Orucov Cinayət Məcəlləsinin 206.3.2-ci (qaçaqmalçılıq-qabaqcadan əlbir olan bir qrup şəxs tərəfindən törədildikdə) və 188.2-ci (torpaq üzərində mülkiyyət, istifadə və ya icarə hüququnu pozma) maddəsi ilə ittiham edilir.