Əkrəm İmamoğlu müvəqqəti olaraq vəzifəsindən uzaqlaşdırıldı - Foto
Fransa prezidenti Makronu impiçmentə çağırırlar: "O, Təhlükəlidir"
Kılıcdaroğlu İmamoğlunu yeğanə namizəd adlandıraraq ona səs verib
ABŞ-da hökumət işçilərini təmsil edən Həmkarlar İttifaqları hökumətin müstəqil xarici yardım agentliyini bağlamaq səylərini əngəlləmək üçün Trump administrasiyasını məhkəməyə verib.
Bizimxeber.az bildirir ki, bu barədə "TheHill" nəşri məlumat yayıb.
İlon Maskın Hökumətin Səmərəliliyi Departamenti (DOGE) ABŞ-ın Beynəlxalq İnkişaf Agentliyinə (USAID) qarşı tam miqyaslı hücuma başlayıb, işçilər kənarlaşdırılıb, minlərlə insanı inzibati məzuniyyətə buraxılıb. Qeyd olunur ki, Trump administrasiyası işçi qüvvəsini 10,000-dən çox işçidən 300-dən az işçiyə endirib.
Bu arada Amerika Xarici Xidmət Assosiasiyası (AFSA) və Amerika Hökumət İşçiləri Federasiyası (AFGE) Prezident Tramp, Dövlət Katibi Marko Rubio, Maliyyə Naziri Scott Bessent, USAID, Dövlət Departamenti və Xəzinədarlıq Departamentinə qarşı məhkəmə iddiası qaldıraraq “USAİD-in fəaliyyətini dayandırmaq üçün tədbirləri dərhal dayandırmaq” tələbi ilə məhkəməyə müraciət ediblər.
“Bu hərəkətlər USAİD əməkdaşlarının, qrant alanların və podratçıların mühüm işini qəfil dayandırmaqla qlobal humanitar böhrana səbəb olub. Onlar minlərlə amerikalı işin bahasına başa gəlib. Və onlar ABŞ-ın milli təhlükəsizlik maraqlarını təhlükə altına atıblar”, - deyə iddiaçılar iddiada yazıblar.
İddia xüsusi olaraq USAİD-in müstəqil direktor əvəzinin təyin edilməsini, USAİD-in binalarının yenidən açılmasını, USAID sistemlərinin və internet səhifələrinin bərpasını, bütün qrant və müqavilələrin bərpasını, əlavə işçilərin inzibati məzuniyyətə yerləşdirilməsinə fasilə verilməsini, məzuniyyət bildirişlərinin və məcburi evakuasiya əmrlərinin geri çağırılmasını tələb edir.
