Fransızlar ildə 7 saat dövlət üçün pulsuz işləyəcək

Yazar Bizimxəbər 2024-11-21 23:56:32 4624

Fransa parlamenti daha əvvəl büdcə kəsirini aradan qaldırmaq üçün vətəndaşların ildə 7 saat pulsuz işləməyə məcbur edilməsi təklifini dəstəkləyib.

Bizimxeber.az bildirir ki, bu barədə Reuters agentliyi məlumat yayıb.

Sağ mərkəzçi senator Elizabeth Duino tərəfindən təklif edilən 2025-ci il büdcəsinə düzəliş fransızlardan ildə əlavə yeddi saat, ödənişsiz işləməyi tələb edəcək.

Eyni zamanda, işəgötürənlər bu işlədiyi saatlara görə əlavə sosial sığorta haqqı ödəməli olacaqlar. Tədbirin əlavə əmək haqlarından büdcəyə əlavə 2,5 milyard avro gəlir gətirəcəyi gözlənilir. Eyni zamanda, büdcənin yekun oxunuşunda hələ də rədd edilə bilər.

Qanunvericilər və Fransa hökuməti dövlət xərclərini azaltmaq və inflyasiyanın qarşısını almaq üçün müxtəlif addımları müzakirə edirlər. Əvvəllər rəsmi bayram günlərindən birinin ləğvi də təklif edilmişdi, lakin tərəflər hansı bayramın ləğvi ilə bağlı razılığa gələ bilməmişdilər.

Fransa Baş naziri Mişel Barnier hökuməti parlamentə təqdim etdiyi 2025-ci il büdcə layihəsində xərcləri azaltmaq və vergiləri artırmaqla 60 milyard avro qənaət etməyi hədəfləyir. 

Layihədə təklif olunan tədbirlərin əksəriyyəti varlı fransızlara və böyük şirkətlərə aiddir.