Əsəd hərbi hədəflərin siyahısını İsrailə ötürüb? - İddia

Yazar Bizimxəbər 2024-12-17 13:28:25 8551

"Suriyanın Rusiyaya qaçan keçmiş prezidenti Bəşər Əsəd Suriyanı tərk edərək, ölkədəki hərbi hədəflərin koordinatlarını onu məhv etmək cəhdindən sığorta kimi İsrailə ötürə bilər".

Bizimxeber.az bildirir ki, bu barədə “Hürriyet” qəzetinin köşə yazarı Abdulkadir Selvi “etibarlı mənbəyə” istinadən yazıb. 

Müəllif deyib ki, İsrailin Suriyadakı hədəflərə vurduğu zərbələr fonunda bu məlumat sadə bir hiylə kimi görünmür: "Əsəd guya Qüdsə İsrailin qaçış zamanı onu vurmayacağına dair təminat almaq üçün silah anbarlarının, raket buraxılış qurğularının və hərbi təyyarələrin yerini göstərən hədəflərin siyahısını verib".

Köşə yazarı Əsədin Suriyadan getməsi ilə bağlı İsrailin bunda rolu ilə bağlı bəzi təfərrüatlar olduğunu qeyd edib və zamanla açıqlanacağına söz verib.

Bu arada “Financial Times” məxfi sənədlərə istinad edərək yazıb ki, Suriya Mərkəzi Bankı 2018-2019-cu illərdə Əsədin hələ hakimiyyətdə olduğu dövrdə Moskvaya bir neçə təyyarəni nağd pulla göndərib. Təyyarədə iki tona yaxın əskinas - dollar və avro olub, onların ekvivalenti 250 milyon dollar (257,9 milyard rubl) olub.