Əcnəbilərin Rusiyaya köçməsi daha asan olacaq - Putin fərman imzaladı

Yazar Bizimxəbər 2024-08-19 17:08:39 7087

Rusiya prezidenti Vladimir Putin öz dövlətlərinin əxlaqi siyasətini qəbul etməyən əcnəbilərə Rusiya Federasiyasında müvəqqəti yaşamaq üçün müraciət etməyə icazə verən fərman imzalayıb.

Bizimxeber.az bildirir ki, onlar Rusiya hökuməti tərəfindən təsdiq edilmiş kvota nəzərə alınmadan və rus dilini, Rusiya tarixini və qanunvericiliyin əsaslarını bildiklərini təsdiq edən sənəd təqdim etmədən müvəqqəti yaşayış yeri əldə edə biləcəklər.

Müraciətin səbəbi ölkələrinin "ənənəvi rus mənəvi-əxlaqi dəyərlərinə zidd olan dağıdıcı neoliberal ideoloji təlimatları tətbiq edən" siyasətini qəbul etməməsi ola bilər.  Tədbir əsas insan hüquq və azadlıqlarının müdafiəsi, habelə Rusiya ilə mənəvi, mədəni və hüquqi əlaqələri davam etdirməyi seçmiş insanlara dəstək məqsədilə həyata keçirilib.

Ərizə sentyabrın 1-dən verilə bilər.