“Burada gecələyəcəyəm” - Zurabişvili

Yazar Bizimxəbər 2024-12-29 00:39:57 3986

Mixeil Kavelaşvilinin andiçmə mərasiminə bir neçə saat qalmış prezident Salome Zurabişvili Orbeliani sarayından 34 saniyəlik videomüraciət edib.

Bizimxeber.az bildirir ki, o, ictimaiyyəti sabah saat 10:00-da prezidentin iqamətgahına gəlməyə çağırıb.

O, fəaliyyət planı haqqında danışmağı planlaşdırır. 

“Orbellilərin sarayından sizə xoş gəlmisiniz. Mən burdayam, burada gecələyəcəm. Sabah səhər saat 10-da sizi Orbel sarayında gözləyəcəyik və buradan sabahın necə olacağını sizə xəbər verəcəyəm. Mən sizə növbəti günlərin necə olacağını və qələbə günlərinin necə olacağını söyləyəcəyəm”, - Salome Zurabişvili deyir.

Mixeil Kavelaşvilinin andiçmə mərasimi dekabrın 29-da Gürcüstan parlamentində keçiriləcək. Onun legitimliyi müxalifət və beynəlxalq tərəfdaşların bir hissəsi tərəfindən tanınmır. İnauqurasiyadan iki gün əvvəl ABŞ Bidzina İvanişviliyə qarşı sanksiyalar elan edib.

Gürcüstanın baş naziri İrakli Kobaxidze dekabrın 22-də Gürcüstan prezidenti Salome Zurabişvili ilə bağlı keçirdiyi mətbuat konfransında deyib ki, o, “prezidentin iqamətgahını fantaziyaya çevirib” və dekabrın 29-dan sonra o, həbsxanaya düşə bilər.