Bu ölkə prezidenti də istefaya hazırlaşır - Səbəblər

Yazar Bizimxəbər 2024-12-18 14:43:55 8214

Yaxın üç ay ərzində Aleksandr Vuçiç Serbiya prezidenti vəzifəsindən istefa verə bilər.

Bizimxeber.az bildirir ki, bu barədə "İnformer" məlumat verib.

Portalın məlumatına görə, prezident Vuçiç bağlı qapılar arxasında bütün hökuməti sərt tənqid edib, koalisiyadakı tərəfdaşları haqqında dəhşətlə danışıb və hər şeydən bezdiyini bildirib.

Breitbart daha əvvəl bildirmişdi ki, Vuçiç ABŞ-ın Serbiyanın Neft Sənayesinə (NIS) qarşı sanksiyaları fonunda qaz təchizatı ilə bağlı problemlər səbəbindən vəzifədə olduğu illərdə ən ciddi təhlükələrdən biri ilə üzləşəcək.

Amerikalı jurnalistlər qeyd ediblər ki, Serbiya qonşu dövlətlər vasitəsilə tədarük edilən Rusiya qazından demək olar ki, 100% asılıdır.

Bundan əvvəl Vuçiç ABŞ-ın Serbiyanın Neft Sənayesinə (NIS) qarşı sanksiyalar tətbiq edəcəyi ilə bağlı xəbərdarlıq etmişdi. Onun sözlərinə görə, buna səbəb NİS-in 50 faizinin “Qazprom Neft”ə, 6,15 faizinin isə “Qazprom”a məxsus olmasıdır.