BMT missiyası Qarabağda dinc əhaliyə qarşı zorakılığı təsdiqləmədi

Yazar Bizimxəbər 2023-10-03 00:36:29 5049

Qarabağda etnik ermənilərin sayı, regionda qalan insanlara görə, 50- 1000 arasında ola bilər.

Bunu brifinqdə BMT baş katibinin nümayəndəsi Stefan Düjarrik deyib. 

“BMT komandası yerli icmaların nümayəndələrinin dilindən eşidib ki, Qarabağda 50-1000arasında etnik erməni qalıb".

Düjarrik əlavə edib ki, dünya təşkilatının nümayəndələrinin Xankəndinə bir günlük səfəri zamanı BMT missiyası bütün dükanların bağlanmasına baxmayaraq, mülki infrastrukturun, o cümlədən məktəblərin, xəstəxanaların dağıdılması əlamətləri aşkar etməyib. 

“Onlar son atəşkəsdən sonra dinc əhaliyə qarşı zorakılıq barədə heç bir məlumat eşitməyiblər. Onlar heç bir ölmüş mal-qara, ev heyvanları, kənd təsərrüfatı infrastrukturunun dağıntısı aşkar etməyiblər”.

BMT missiyası Laçın dəhlizində də olub.