Baş Qərargah Rusiyanın Melitopoldakı qərargahının məhv edildiyini təsdiqlədi

Baş Qərargah işğalçıların Melitopoldakı qərargahının məhv edildiyini təsdiqləyib. Bu barədə Ukrayna Silahlı Qüvvələrinin Baş Qərargahı "Facebook" səhifəsində məlumat yayıb. 

"Rus işğalçıları itki verməkdə davam edir. Yenilənmiş məlumata görə, noyabrın 15-də Melitopol şəhərində əsgərlərimiz düşmən bölmələrindən birinin qərargahını məhv ediblər. Müdafiə Qüvvələrinin Zaporojye rayonunun Konski razdor, Vladovka və Blaqoveşenka yaşayış məntəqələri ərazilərində keçirdiyi əməliyyatlar nəticəsində iki sursat anbarı, iki BM-21 Qrad qurğusu və bir S-300 zenit-raket kompleksi məhv edilib", deyə bildirilib.

Xatırladaq ki, noyabrın 15-də Melitopol şəhərinin meri İvan Fedorov müvəqqəti işğal olunmuş Melitopolun yaşayış massivlərindən birində güclü partlayış baş verdiyini bildirib.

Onun sözlərinə görə, partlayış Melitopolun şimalında, 24-cü məktəbin yaxınlığında, işğalçıların qərargahının cəmləşdiyi yaşayış massivində baş verib.