Baş nazirə içində güllə olan zərf göndərildi

Yazar Bizimxəbər 2024-09-25 20:34:22 1917

Slovakiyanın baş naziri Robert Fikoya içərisində güllə olan zərf göndərilib. 

Bizimxeber.az bildirir ki, bu barədə Aktuality məlumat yayıb.

Slovakiya hökumətinin mətbuat xidməti qeyd edib ki, zərf sentyabrın 25-də səhər saatlarında baş nazirə gəlib.

"Slovakiyanın baş nazirinə ünvanlanmış güllə olan zərf bu gün hökumət ofisinə çatdırılıb", - Slovakiya hökumətinin mətbuat xidməti bildirib. Daxil olan zərf hazırda Slovakiyanın rəsmi şəxslərinin mühafizəsi departamentinin və diplomatik nümayəndəliklərinin əməkdaşları tərəfindən yoxlanılır. 

Xatırladaq ki, mayın 15-də Slovakiyanın Handlova şəhərində hökumətin səfərdə olan iclasından sonra baş nazir Robert Fikoya cəhd edilib.