Rusiya Əsədə hərbi yardım göndərir - 4 ölkə bəyanat yaydı
"Baydenin oğlunu əfv etməsi ədalətsilikdir" - Tramp
Əsəd Ərdoğanla görüşmək istəyir
Avstriya Xarici İşlər Nazirliyi Ukrayna və Moldovaya humanitar yardım üçün 8 milyon avro ayrıldığını açıqlayıb.
Bu barədə ölkənin Xarici İşlər Nazirliyinin bəyanatında deyilir.
Ölkənin xarici işlər naziri Aleksandr Şallenberqin dediyi kimi, noyabrın 19-da Kremlin rəhbəri Vladimir Putinin Ukraynaya qarşı genişmiqyaslı işğala başlamasından 1000 gün keçir. "Min gün əvvəl biz tamamilə fərqli bir dünyada oyandıq. Müharibənin Avropaya qayıtdığı bir dünyada", - o deyib.
O, Avstriyanın ilk gündən Ukrayna xalqının tərəfində möhkəm dayandığını və müharibənin üçüncü qışı ərəfəsində humanitar yardımın daha 8 milyon avro artırıldığını vurğulayıb.
Onun sözlərinə görə, bu məbləğdən 5 milyon avro BMT-nin Ümumdünya Ərzaq Proqramının humanitar minatəmizləmə layihəsinə ayrılacaq. Bu, Ukraynada kənd təsərrüfatı istehsalının bərpasına yönəlib.
Daha 3 milyon avro isə Beynəlxalq Qızıl Xaç Komitəsi, BMT-nin Uşaq Fondu və Birləşmiş Millətlər Təşkilatının Əhali Fondu tərəfindən Ukrayna və Moldovada humanitar yardımın göstərilməsi üçün alınacaq.
