Rusiya Əsədə hərbi yardım göndərir - 4 ölkə bəyanat yaydı
"Baydenin oğlunu əfv etməsi ədalətsilikdir" - Tramp
Əsəd Ərdoğanla görüşmək istəyir
Noyabrın 15-də nümayişçilər parlament adlanan binanı ələ keçirdikdən sonra de-fakto Abxaziya hakimiyyəti və müxalifət nümayəndələri arasında aparılan danışıqlardan sonra razılıq əldə olunub. Razılaşmaya əsasən, de-fakto prezident Aslan Bjaniya istefa verib.
Razılaşmada həmçinin deyilir ki, hökumət binaları adlanan kompleksdə səfərbər olunan etirazçılar noyabrın 19-da dağılışacaq və buna nail ola bilməsələr, Bjaniya istefasını geri çağıracaq. Qondarma parlament istefaya elə həmin gün baxmalıdır. Qondarma vitse-prezident Badra Qunba Abxaziya Respublikasının prezidenti səlahiyyətlərini icra edəcək.
Razılaşmada deyilir ki, qondarma baş nazir Aleksandr Ankvab da istefa verəcək, nazirlərin səlahiyyətlərini icra edənlər isə yeni seçilmiş qondarma prezident vəzifəyə başlayana qədər öz vəzifələrini icra edəcəklər.
Noyabrın 15-də işğal olunmuş regionda Rusiyanın “investisiyalarını” və torpaq və əmlaka sahiblik hüququnu qanuniləşdirən mübahisəli qanunlar paketinin ratifikasiyası planlarına qarşı kütləvi etirazlar başlayıb.
Bundan əvvəl, Soxuminin işğal olunmuş regionla Rusiya arasında “müqavilələri” yerinə yetirməkdən çəkinməsindən hiddətlənən Moskva sentyabr ayında işğal olunmuş əyalətə ayrılan maliyyəni kəskin şəkildə kəsmək qərarını açıqlamışdı.
