Almanlar Ukraynaya tankları vermək istəmir

Yazar Bizimxəbər 2023-01-20 02:26:00 944

Ötən gün Bundestaq deputatları Leopard 1 və Leopard 2 tanklarının Ukraynaya təhvil verilməsi ilə bağlı səsverməni təxirə salıblar.

Bizimxeber.az xarici KİV-lərə istinadən bildirir ki, gərgin müzakirələrdən sonra Bundestaq təklifi növbəti müzakirə üçün Xarici Əlaqələr Komitəsinə təqdim edib. Birlik dərhal səsverməyə çağırsa da, koalisiya fraksiyaları, AfD və sol fraksiyanın səsverməsi səbəbindən uğursuz oldu.

Almaniyanın müdafiə konserni Rheinmetall 2023-cü ildə Ukraynanı yüzdən çox Leopard 1 və Leopard 2, habelə Britaniyanın Challenger 1 tankları ilə təmin edə bilər.

“Leopard” tanklarının Ukraynaya təhvil verilməsi ilə bağlı qərar yanvarın 20-də Qərb müdafiə nazirlərinin Almaniyadakı Amerikanın Ramşteyn aviabazasında Kiyevə gələcək yardımın müzakirə olunacağı növbəti görüşündə verilə bilər.

ABŞ prezidenti Co Baydenlə söhbətində Almaniya kansleri Olaf Şolz açıq şəkildə bəyan edib ki, Almaniya Ukraynanı Leopard 2 tankları ilə yalnız Vaşinqtonun Kiyevi Abrams tankları ilə təmin edəcəyi təqdirdə təmin edəcək.

Yanvarın əvvəlində The Washington Post (WP) Ağ Evdəki mənbələrə istinadən qeyd edib ki, ABŞ prezidenti Co Baydenin administrasiyası texniki səbəblərdən Ukraynaya Amerika Abrams tanklarının tədarükünə razılıq verməyə hazır deyil.