Akkuyu AES işçilərini daşıyan avtobus qəzaya düşdü

Yazar Bizimxəbər 2024-06-29 12:29:28 4290

Mersin vilayətində Türkiyədə tikilməkdə olan Akkuyu Atom Elektrik Stansiyasının işçilərini daşıyan avtobus minik avtomobili ilə toqquşub.

Bizimxeber.az bildirir ki, bu barədə NTV telekanalı məlumat yayıb.

“Akkuyu AES-in işçilərini daşıyan avtobusun sürücüsü idarəetməni itirərək qarşıdakı zolağa çıxıb. Orada o, AES işçisinin də idarə etdiyi avtomobilə və fəhlələrin olduğu başqa avtobusa çırpılıb”, - məlumatda deyilir.

Qəza nəticəsində 2 nəfər ölüb, daha 35 nəfər yaralanıb. Daha əvvəl Türkiyənin cənub-şərqindəki Van vilayətində avtobusun qəzaya uğraması nəticəsində 2 nəfər ölüb, 30 nəfər yaralanıb.