ABŞ Finlandiyaya 320 milyon dollar dəyərində silah satacaq

ABŞ Dövlət Departamenti Finlandiyaya 323 milyon dollar (319 milyon avro) məbləğində raket və müxtəlif silahların satışını təsdiqlədi. Bu barədə ABŞ Müdafiə və Təhlükəsizlik Əməkdaşlıq Agentliyi (DSCA) məlumat yayıb. 

Gələcək razılaşma indi Konqres tərəfindən təsdiqlənməlidir. 

Çatdırılmalara 40 ədəd AIM-9X Sidewinder Block II qısa mənzilli idarə olunan raketlər, onlar üçün 4 taktiki rəhbər qurğu, 48 AGM-154 JSOW taktiki raketləri, həmçinin müxtəlif təlim və dəstək avadanlığı və ehtiyat hissələri daxildir.

Bu ehtimal satış ABŞ-ın xarici siyasətini və milli təhlükəsizliyini dəstəkləyəcək, Finlandiyanı hava-hava və hava-yer silahları ilə gücləndirəcək, həmçinin ABŞ-ın Şimal regionu ölkələri ilə münasibətlərinə müsbət təsir göstərəcək.

"Finlandiyaya güclü və hazır özünümüdafiə qabiliyyətini inkişaf etdirməyə və saxlamağa kömək etmək ABŞ-ın milli maraqları üçün həyati əhəmiyyət kəsb edir" deyən agentlik Finlandiyanın bu texnologiyanı silahlı qüvvələrinə tətbiq etməkdə çətinlik çəkməyəcəyini bildirib.