70 kilo qızılla saxlanılan hərbi attaşe hansı generalın qardaşı oğludur?

Yazar Bizimxəbər 2024-11-27 11:40:03 9272

İstanbulda 70 kilo qızılla saxlanılan hərbi attaşe polkovnik-leytenant Qəhrəman Şamil oğlu Məmmədov akademik Qərib Məmmədovun qardaşı deyil.

Bizimxeber.az bildirir ki, bu barədə jurnalist Cavanşir Həsənli özünün "Facebook"səhifəsində yazıb. 

Jurnalist bildirib ki, Qəhrəman Məmmədov Azərbaycan Respublikası Daxili İşlər Nazirliyi Baş İctimai Təhlükəsizlik İdarəsinin sabiq rəisi, general-mayor Cavanşir Məmmədovun qardaşı oğludur.

"Qəhrəman Məmmədov babasının, yəni generalın atasının adını daşıyır. Cavanşir Məmmədov isə Türkiyədə uzun müddətdir ki, biznes sahibidir, 2013-cü ildə 400 lirə (o zamankı kursla 200 min dollar) nizamnamə kapitalı ilə MARŞAL YAPI TURIZM INŞAAT EMLAK MÜŞAVIRLIYI SANAYI VE TICARET LIMITED və HUMNAC TICARET şirkətlərini qurub, tikintisi biznesi ilə məşğul olub.

Generalın təqaüdə çıxdıqdan sonra Fransada özünə biznes qurduğu haqda məlumatlar yayılsa da, xəbərlər özünü doğrultmayıb".