Abdullahianın dəfn tarixi və yeri açıqlandı

Yazar Bizimxəbər 2024-05-22 01:01:36 3603

Helikopterin qəzaya uğraması nəticəsində həlak olan İranın xarici işlər naziri Hüseyn Əmir Abdullahian cümə axşamı Tehranda Şah Əbdül Əzim məscidində dəfn ediləcək.

Bu barədə İranın İRNA agentliyi məlumat yayıb.

Bildirilib ki, dünyasını dəyişən xarici işlər naziri ilə vida mərasimi mayın 23-də Tehranın Xarici İşlər Nazirliyinin qarşısındakı meydanda yerli vaxtla saat 09:00-da keçiriləcək. Dəfn isə həmin gün saat 11:00-da Şah Əbdül-Əzim abidə kompleksinin ərazisində baş tutacaq.

Qeyd edək ki, mayın 19-u baş vermiş qəza nəticəsində İran Prezidenti ilə birlikdə xarici işlər naziri Hüseyn Əmir Abdullahian, Şərqi Azərbaycan vilayətinin general-qubernatoru Malek Rəhməti, Təbrizin imamı Məhəmməd Əli Haşemi və onları müşayiət edən digər şəxslər həlak olublar.