İranın Qırmızı dənizdəki gəmisində bomba partlaması - İsrail təxribatı olduğu iddia edilir - YENİLƏNİB

Qırmızı dənizdə  İran gəmisindəki hadisə gövdəyə qoyulmuş minaların partlaması səbəbindən baş verib. 

"Əl-Arabiya" mənbələrə istinadən əldəqayırma partlayıcı qurğunun İsrail təxribatçısı tərəfindən gəmiyə qoşulduğunu iddia edir.

***

İran İslam İnqilabı Keşikçiləri Korpusuna (IRGC) aid İran gəmisi Qırmızı dənizdəki Eritreya sahillərində hücuma məruz qalıb. Bizimxeber.az bildirir ki, bu barədə "Əl-Arabiya" telekanalı öz mənbələrinə istinadən xəbər verib.

Gəmiyə kimin hücum etdiyi hələ bildirilməyib. İran tərəfi də hələlik heç bir rəsmi məlumat açıqlamır.