Futbolun yeni reallığı - FIFA 2020 ekranlara qayıdır

12:41 - 27 İyul
    19210 oxunma

Aprel-may aylarında Azərbaycanda FIFA 2020 üzrə təşkil olunan ilk virtual futbol turniri uzun zamandır futbolsuz qalan azarkeşlərimizi ekran qarşısına qaytarmağı bacardı. Adıçəkilən oyun futbol həvəskarları üçün gözəl alternativdir. FIFA 2020 oyunçulara peşəkar futbol yarışlarının möhtəşəmliyini yaşamağa, eyni zamanda azarkeşlərə də bu populyar oyunu virtual formatda nümayiş etdirməyə imkan yaradır.  

"Bizimxeber.az" xəbər verir ki, Azərbaycan kiberidman tarixində əlamətdar hadisəyə çevrilmiş turnirin artıq FIFA 2020 Birinci Liqasının keçirilməsi qərara alınıbr. İyulun 27-də start götürəcək turnir PlayStation4 platformasında onlayn formatda keçiriləcək və yutub kanalı, habelə “İdman TV” kanalı ilə yayımlanacaq. Ölkənin aparıcı idman kanalında nümayiş etdiriləcək qarşılaşmaları kanalın şərhçiləri təqdim edəcək. 

Ölkəmizin ayrı-ayrı bölgələrini təmsil edən 20 iştirakçı 38 turdan ibarət uzun marafonda qalibiyyət uğrunda mübarizə aparacaq. Əlavə olaraq bildirək ki, yarışmaya yeni 5 iştirakçı qatılacaq – Siazan Castles (Elton Hüseynov), Balakhani Oilers (Ravil Abışov), Tovuz Vinegrovers (Ənvər Əliyev), Beylagan Lynx (Nicat Mustafalı) və Barda Knights (Orxan Bayramov).

Turnirin mükafat fondu 20 000 manatdır. Mövsümün sonunda qalib iştirakçı 500, ikinci yerin sahibi 300, 3 yerdə qərarlaşan kiberidmançı isə 200 manat qazanacaq.

Qeyd edək ki, iştirakçıları hər qələbəyə – 30, heç-heçəyə – 25, məğlubiyyətə görə isə 20 manat məbləğində mükafatlar gözləyir. Turnirin ən sərrast bombardiri də mükafatlandırılacaq.

AR Gənclər və İdman Nazirliyi, AR Nəqliyyat, Rabitə və Yüksək Texnologiyalar Nazirliyi, İdman TV, Azərbaycan Kiber İdman Federasiyası, Gaming League Azerbaijan (GLA) və Topaz-ın birgə təşkilatçılığı keçiriləcək Birinci Liqaya sentyabrın 11-də yekun vurulacaq. Turnirin baş sponsoru Kapital Bank, sponsoru Mountain Dew şirkətidir.  


Daha tez məlumatlanmaq üçün yeni Facebook səhifəmizi




Şərhlər



Haqqımızda

“BizimXƏBƏR” Media Mərkəzi MMC

Baş redaktor Ədil Hüseynli
Şef redaktor Şaiq Mustafayev
 
  Bizimxeber_az@mail.ru 
  adil-1980@mail.ru

  Mobil və Whatsapp  -  (077) 611-44-00
                                        (050) 514-27-84