Xamenei ABŞ-ı ittiham etdi
Xamenei ABŞ-ı ittiham etdi
29 Avqust 2016 / 10:30 / Baxış sayı: 446
Font1 Font2 Font3 Font4
Bizimxeber

ABŞ İranın S-300 zenit-raket komplekslərini almasına mane olmaq üçün əlindən gələni etdi.

“Report” xəbər verir ki, bunu İranın ali dini lideri, Silahlı Qüvvələrin Ali Baş Komandanı ayətullah Əli Xamenei Rusiyaya məxsus S-300 ZRK-ların döyüş növbəsi çəkəcəyi “Xatəm-əl-Ənbiya” hava hücumundan müdafiə bazası komandanlığı ilə görüşü zamanı bildirib.

“S-300 hava hücumundan müdafiə sistemləri hücum yox, son dərəcə müdafiə xarakterli silahlardır. Bizim elə bir düşmənimiz var ki, o bizi hətta özümüzü müdafiə etmək hüququndan məhrum etmək istəyir. Biz bu düşmənin İslam Respublikasına hücuma keçməyi ağlına belə gətirməməsi üçün öz müdafiə potensialımızı artırmalıyıq”, – deyə o bildirib.

“S-300-ün İrana tədarükü ətrafında qalxan səs-küy, vaxtilə Ford tərəfindən İranın nüvə obyekti ətrafında qaldırılan hay-küy kimi, İran millətinə düşmən olanların kininin növbəti təzahürü oldu. Onlar anlamalıdırlar ki, İrana hücum edəcəkləri təqdirdə, sarsıdıcı cavab alacaqlar”, – deyə Xamenei çıxışı zamanı bildirib.

Bizimxeber.az



Şərh əlavə edin







Yuxarı Geri Ana səhifə