Vitse-admiralın işini aparan müstəntiqin məhkəməsi başlayır
Vitse-admiralın işini aparan müstəntiqin məhkəməsi başlayır
12 Avqust 2016 / 14:14 / Baxış sayı: 478
Font1 Font2 Font3 Font4
Bizimxeber

Yaxın günlərdə dələduzluqda ittiham olunan Hərbi Prokurorluğun sabiq müstəntiqi Vüqar Məmmədlinin barəsində olan cinayət işi üzrə məhkəmə prosesi başlayacaq.

Bu barədə virtualaz.org saytına vəkil Adəm Məmmədov məlumat verib. Vəkilin sözlərinə görə, cinayət işi üzrə materiallar hakim Rafiq Abbasovun icraatındadır. Məhkəmənin hazırlıq iclası avqistun 23-ə təyin edilib.

Qeyd edək ki, V.Məmmədli Cinayət Məcəlləsinin 178-ci (dələduzluq) maddəsinə əsasən ittiham olunur. Onun barəsində həbs qətimkan tədbiri seçilməyib.

Bir müddət əvvəl Azərbaycan Respublikası Hərbi Prokurorluğu Hərbi Prokurorluğun sabiq əməkdaşı Vüqar Məmmədli ilə bağlı yayılmış xəbərlərlə əlaqədar məlumat yayıb. Həmin məlumatda qeyd olunub ki, Hərbi Dəniz Qüvvələrinin (HDQ) sabiq komandanı, vitse-admiral Şahin Sultanovun başçılığı ilə HDQ-nin qabaqcadan əlbir olan bir qrup vəzifəli şəxsi barəsində Respublika Hərbi Prokurorluğunda aparılmış cinayət işi üzrə istintaq qrupunun üzvü kimi fəaliyyət göstərmiş müstəntiq V.Məmmədlinin barəsində HDQ-nin yanacaq xidmətinin sabiq rəisi, hazırda həbsdə olan polkovnik-leytenant Kazım Əsgərovun müraciəti əsasında aparılmış xidməti yoxlamanın nəticələrinə görə o, 2015-ci ilin oktyabr ayında tutduğu vəzifədən kənarlaşdırılmaqla, barəsində Cinayət Məcəlləsinin müvafiq maddələri ilə cinayət işi başlanıb və istintaq yekunlaşdırılaraq baxılması üçün Bakı Hərbi Məhkəməsinə göndərilib.

Bizimxeber.az



Şərh əlavə edin







Yuxarı Geri Ana səhifə