Vəkili Rüfət Səfərovla görüşdü
Vəkili  Rüfət Səfərovla görüşdü
14 Sentyabr 2016 / 12:41 / Baxış sayı: 160
Font1 Font2 Font3 Font4
Bizimxeber

Sentyabrın 8-dən həbs olunaraq Kürdəxanı İstintaq Təcridxanasında saxlanılan keçmiş müstəntiq Rüfət Səfərovun vəkili Bəhruz Bayramov onunla görüşüb. 

Bu barədə Qaynarinfo.Az-a açıqlama verən vəkil bildirib ki, R.Səfərov saxlanma şəraitindən şikayətçi deyil:”Saxlanma şəraiti normaldır. Özünün əhval-ruhiyyəsi yüksəkdir. Ona qarşı ittihamları qəbul etmir”.

Vəkil deyib ki, Rüfət Səfərov təzyiqi yüksək olduğu üçün təcridxanada gündəlik dərmanlarını qəbul edir:”Amma səhhətində xüsusi olaraq bir problem yoxdur”.

Qeyd edək ki, Rüfət Səfərov Zərdab Rayon Prokurorluğunun müstəntiqi vəzifəsində çalışıb. Bu il dekabrın 20-də hökuməti tənqid edən bəyanatla çıxış edərək, tutduğu vəzifədən istefa verib.

Sentyabrın 8-də Baş Prokurorluqda Rüfət Səfərov barəsində Cinayət Məcəlləsinin 311-ci (rüşvət alma) maddəsilə cinayət işi başlanılıb və dindirilmək üçün Baş Prokurorluğun Korrupsiyaya Qarşı Mübarizə İdarəsinə çağrılıb və barəsində həbs-qətimkan tədbiri seçilərək, saxlanılıb.

Bizimxeber.az



Şərh əlavə edin







Yuxarı Geri Ana səhifə