Tarif Şurası daha 219 dərmanın qiymətini təsdiqlədi
Tarif Şurası daha 219 dərmanın qiymətini təsdiqlədi
04 Avqust 2016 / 19:27 / Baxış sayı: 692
Font1 Font2 Font3 Font4
Bizimxeber

Bu gün Tarif (qiymət) Şurasının növbəti iclasında  daha 219 dərman vasitəsinin qiyməti təsdiqlənib.

Şuranın mətbuat xidmətindən Lent.az-a verilən məlumata görə, Şura tərəfindən dərman vasitələrinin ticarət adı, təsiredici maddəsinin adı, dozası, farmasevtik forması, ticarət qablaşdırması, qablaşdırma miqdarı, istehsal ölkəsi nəzərə alınmaqla, qeydiyyatda olan 9850 dərman vasitəsinin topdan və pərakəndə satış qiyməti təsdiq edilib.

Bunlardan 7347 dərman vasitəsi təsdiq edilmiş qiymətlərlə artıq satışdadır, digər 2503 dərman vasitəsinin yeni qiymətləri isə bu ilin sentyabr ayının 1-dən qüvvəyə minəcək.

Beləliklə, 2016-cı il 1 sentyabr tarixindən etibarən qiymətləri təsdiq edilməyən dövlət qeydiyyatına alınmış dərman vasitələrinin satışı yalnız həmin dərmanların qiymətləri təsdiq olunduqdan sonra həyata keçirilə bilər.

Qeyd edək ki, bununla da, bir il əvvəl başlanan dərman vasitələrinin qiymətlərinin tənzimlənməsi prosesi intensiv şəkildə davam etdirilərək, Tarif (qiymət) Şurasının 10 iclası keçirilib, idxal dəyəri ilə ifadədə 44% dərman vasitəsinin qiyməti 2 dəfədən çox, 25%-nin qiyməti 3 dəfədən çox, ümumilikdə 90%-dən çoxunun qiyməti endirilib.

Bizimxeber.az



Şərh əlavə edin







Yuxarı Geri Ana səhifə