Səbaildə görkəmli alim Aida İmanquliyevanın xatirəsi yad edilmişdir
Səbaildə görkəmli alim Aida İmanquliyevanın xatirəsi yad edilmişdir
11 Oktyabr 2016 / 11:39 / Baxış sayı: 786
Font1 Font2 Font3 Font4
Bizimxeber

Səbail rayonundakı 132-134 saylı Təhsil Kompleksində böyük şərqşünas alim, filologiya elmləri doktoru, elm təşkilatçısı, ictimai xadim, professor Aida xanım İmanquliyevanın doğum gününə həsr olunmuş «Böyük qəlbin işığında» adlı ədəbi-bədii tədbir keçirilmişdir.

Əvvəlcə qonaqlar Təhsil Kompleksinin tarix muzeyində vaxtı ilə bu təhsil müəssisəsini 1957-ci ildə Qızıl medalla bitirmiş Aida xanım İmanquliyevaya həsr olunmuş guşəyə baxmış, burada toplanmış foto şəkillər və sənədlərlə tanış olmuşlar.

Kompleksin akt zalında Səbail Rayon rəhbərliyi, ictimaiyyət nümayəndələri, qonaqlar, müəllim və şagirdlərin iştirak etdiyi tədbirdə Təhsil Kompleksinin direktoru, Əməkdar müəllim Sara Xanlarova məktəbin məzunu, görkəmli şərqşünas alim və pedaqoq, professor Aida xanım İmanquliyevanın şərəfli ömür yolundan, cəmiyyətə, elmə, təhsilə, mədəniyyətə verdiyi əvəzsiz töhfələrdən danışıb. Qeyd olunub ki, məktəbdə həyata keçirilən «Unudulmaz məzunlar» layihəsi çərçivəsində ilk tədbir bu gün doğum gününü qeyd etdiymiz Aida xanım İmanquliyevaya həsr olunub. Bildirilib ki, 1957-ci ildə 132 nömrəli orta məktəbi (indiki 132-134 nömrəli Təhsil Kompleksi) qızıl medalla, 1962-ci ildə Azərbaycan Dövlət Universitetini (BDU) fərqlənmə diplomu ilə bitirən Aida İmanquliyeva universitetin aspirantı olur, təhsilini keçmiş SSRİ Elmlər Akademiyasında davam etdirir, namizədlik və doktorluq dissertasiyası müdafiə edir. Azərbaycanda ilk şərqşünas qadın elmlər doktoru olan Aida xanım həm də bacarıqlı elm təşkilatçısı idi. Professor Aida İmanquliyevanın nəciblik, xeyirxahlıq, saflıq mücəssəməsi olduğunu söyləyən Sara Xanlarova alimin əziz xatirəsinin könüllərdə daim yaşayacağını bildirib.

Səbail Rayon İcra Hakimiyyətinin başçısı Eldar Əzizov professor Aida xanım İmanquliyevanın Azərbaycanın elm və təhsil tarixindəki müstəsna rolundan bəhs edib, onun elmi irsinin, əsərlərinin əhəmiyyətini diqqətə çatdırıb.

Vurğulanıb ki, Sərq-Qərb mədəni əlaqələrinin inkişafında professor Aida İmanquliyevanın tədqiqatları xüsusilə böyük aktuallıq kəsb edib.

Azərbaycan qadınına xas olan ən gözəl, ən nəcib xüsusiyyətləri özündə cəmləşdirən Aida xanım İmanquliyevanın vətənə yüksək intellektual səviyyəli, dərin mənəvi keyfiyyətləri ilə nümunə olan övladlar bəxş etdiyini bildirən Eldar Əzizov alimin əziz xatirəsinin könüllərdə daim yaşayacığını söyləyib.

Tədbirdə görkəmli alim Aida xanım İmanquliyevanın həyat və fəaliyyətindən bəhs edən film nümayiş etdirilib, şagirdlərin ifasında ərəb və digər xarici dillərdə şerlər, mahnılar səsləndirilib, səhnəcik nümayiş etdirilib, Aida xanımın məktəb, tələbəlik, gənclik, elmi-pedaqoji fəaliyyətini əks etdirək video-slaydlar göstərilib.

Tədbirdə əməkdar artist Ramil Qasımovun ifasında bəstəkar Sara Tahiranın görkəmli alimə ithaf etdiyi «Səndən bir də gəlməyəcək» mahnısı səslənmişdir.

Tədbirin sonunda qonaqlara Təhsil Kompleksi tərəfindən çap olunmuş Aida xanım İmanquliyevanın məktəb illəri, geniş və səmərəli elmi, pedaqoji fəaliyyəti, nəsillərə nümunə olan gözəl ailə mühiti və s. barədə məlumatlar, xatirələr toplanmış «Unudulmaz məzun – Aida İmanquliyeva» kitabı təqdim olunmuşdur.



Şərh əlavə edin







Yuxarı Geri Ana səhifə