Rumıniya Kraliçası ilə vida mərasimi keçirilir – FOTO
Rumıniya Kraliçası ilə vida mərasimi keçirilir – FOTO
12 Avqust 2016 / 10:04 / Baxış sayı: 1030
Font1 Font2 Font3 Font4
Bizimxeber

Rumıniyanın paytaxtı Buxarest şəhərinin Kral sarayında Kraliça Ana ilə vida mərasimi keçirilir.

“Report”un Şərqi Avropa bürosu xəbər verir ki, ötən gündən başlayan mərasim bu gün axşam saat 22:00-dək davam edəcək.

Kraliça Anaya ehtiramını bildirmək məqsədilə yüzlərlə rumın Kral sarayını ziyarət edir.

Avqustun 10-da isə ilk olaraq vida mərasimi Sinaya şəhərindəki Kral ailəsinə məxsus “Peleş qəsri”ndə keçirilib və Rumıniyanın dövlət və hökumət nümayəndələri, ictimai xadimlər, kral ailəsinin yaxınları və ictimaiyyət nümayəndələri mərasimə qatılıblar.

Xatırladaq ki, Rumıniyanın sabiq kralı Mihayın həyat yoldaşı, 92 yaşlı Kraliça Ana avqustun 1-də İsveçrənin Morj şəhərindəki xəstəxanada vəfat edib. Kraliçanın cənazəsi avqustun 9-da Rumıniyaya gətirilib. Avqust ayının 13-də isə kraliça Kurtya-de-Arceş şəhərindəki kral ailəsinə məxsus monastrda dəfn olunacaq. Mərasimin keçirildiyi günlərdə isə təhlükəsizliyin təmin olunmasına 1500-ə yaxın polis, hərbçi və jandarm qüvvələri cəlb olunub.



Şərh əlavə edin







Yuxarı Geri Ana səhifə