Qonşusuna zamin durdu, pensiya pulundan oldu
Qonşusuna zamin durdu, pensiya pulundan oldu
22 Oktyabr 2016 / 10:37 / Baxış sayı: 948
Font1 Font2 Font3 Font4
Bizimxeber

Qonşusu üçün oxumadan imzaladığı zaminlik sənədi başına iş açdı. “Xəzər TV” xəbər verir ki, Şamaxı sakini Salman Babayev zamin durdugu qonşusunun borcunu ödəyir. Onun sözlərinə görə, bir neçə il əvvəl kredit müqaviləsi imzalanarkən bir neçə sənəd imzalayıb.

Salman Babayev deyir ki, imzaladığı sənədlərin heç biri ilə tanış olmayıb. İndi zamin durdugu adam həbs olunub. Məhkəmə qərarı ilə onun kredit borcu Salman Babayevin pensiya pulundan tutulur. Baxmayaraq ki, Salman Babayevə məhkəmədən xəbərdarlıq da olunmayıb.

Vəkil Xəyal Bəşirov bildirir ki, hər kəs başqasına zamin durarkən dərk etməlidir ki, zamin durduğu şəxsin başına bir hadisə gələrsə, o, kreditin ödənişini tam şəkildə öz üzərinə götürür. Buna görə imzanı atmadan öncə bunu mütləq düşünməlidirlər. O ki qaldı məhkəməyə dəvət edilmədən hesabından pul çıxılması, bu məqamda qanun vətəndaşın tərəfindədir.

Belə hallarla qarşılaşmamaq üçün mütəxəssislər bu vəziyyəti aşkar edən andan vətəndaşları dərhal məhkəməyə müraciət edərək öz haqlarını tələb etməyə çağırırlar.



Şərh əlavə edin







Yuxarı Geri Ana səhifə