Putin: “Hələbdə atəşkəs rejimini uzatmağa hazırıq”
Putin: “Hələbdə atəşkəs rejimini uzatmağa hazırıq”
20 Oktyabr 2016 / 10:47 / Baxış sayı: 700
Font1 Font2 Font3 Font4
Bizimxeber

Rusiya Hələbdə atəşkəs rejimini uzatmağa hazırdır. RİA Novosti-nin verdiyi xəbərə görə, bunu Rusiya prezidenti Vladimir Putin bəyan edib. 

“Hələbdəki vəziyyəti nəzərə alaraq atəşkəs rejimini mümkün qədər uzatmağa hazırıq. Ərazidə quldur dəstələri yenidən baş qaldırmasa, hava zərbələri endirilməyəcək”, deyə V.Putin bildirib.

Onun sözlərinə görə, Berlində keçirilən görüşdə Rusiya Suriyanın yeni Konstitusiyasının hazırlanması və qəbul edilməsi üzrə işləri sürətləndirməyə çağırıb: “Bunun əsasında münaqişə tərəfləri arasında ilkin razılaşmaya nail olmaq, yeni seçkilər keçirmək mümkün olardı. Təbii ki, prosesə cəlb edilən region ölkələrinin iştirakı ilə”.

Xatırladaq ki, oktyabrın 19-da Berlində Almaniya kansleri Angela Merkel, Rusiya prezidenti Vladimir Putin və Fransa dövlət başçısı Fransua Olland arasında Suriya böhranına dair görüş keçirilib.

Bizimxeber.az



Şərh əlavə edin







Yuxarı Geri Ana səhifə