bizimxeber.az

İçtimai Siyasi Xəbər Portalı

“Oba” marketləri yükləri mağazaya niyə satıcı xanımlara daşıtdırır?

308 oxunma | Tarix: | 3 ay öncə
Son bir neçə il ərzində fəaliyyəti Respublikada sürətlə yayılan “Oba” marketlər şəbəkəsində maraqlı iş metodu üzə çıxıb. Sözügedən şəbəkənin marketlərinə mallar şirkətə məxsus xüsusi avtomobillərlə çatdırılır. Ekspeditorların vəzifəsi məhsulları mağazanın qabağına boşaldıb, getməkdən ibarətdir.

Malların mağazaya daşınıb, yerləşdirilməsi ilə bağlı məsuliyyət isə mağazada fəaliyyət göstərən personalın üzərinə düşür. “Oba”nın fəaliyyət göstərdiyi elə məhəllə marketləri var ki, orda cəmi iki xanım əməkdaş çalışır. Məsələn, Keşlə qəsəbəsi “Avromed” dərman firmasının mərkəzi ofisinə doğru gedən yoldakı mağaza və başqaları. Əməkdaşlarımız isti yay günlərində sözügedən mağazalarda xanım əməkdaşların necə əziyyətlə malları mağazaya daşıdığının şahidi olublar.

XƏBƏRLƏR:  “Leş Tofiq”dən sonra “Leş Elgün” də ələ keçdi (VİDEO)

Maraqlandıqda məlum olub ki, mağazada bunun üçün ştat nəzərdə tutulmur. Yüklərin mağazaya daşınması satıcıların məsuliyyət dairəsinə aiddir.

Yaxşı olardı ki, “Oba” rəhbərliyi bu halla bağlı bir ölçü götürsün. Yoxsa ehtiyac ucbatından mağazada satıcı kimi fəaliyyət göstərən gənc xanımların həm də isti havada ağır yükləri mağazaya daşıması heç də insafdan deyil. /Azinforum.az/

XƏBƏRLƏR:  Məktəblərə nəqliyyat vasitələri veriləcək? – Nazir danışdı

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir