Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Hərbçilər, polislər, diplomatlar… – FETÖ qurbanları mühacirətə qaçır/ Şok statistika
Hərbçilər, polislər, diplomatlar… – FETÖ qurbanları mühacirətə qaçır/ Şok statistika
17 May 2017 / 11:54 / Baxış sayı: 50
Font1 Font2 Font3 Font4

Türkiyədə 15 iyul gecəsindən sonra mühacirətə gedənlərin sayı durmadan artır.

BakiPost.az-ın xəbərinə görə, orduda bir qrup hərbçi və generalın dövlət çevrilişinə cəhdinin baş tutmaması yüzlərlə vəzifəli şəxsin ölkədə yaşamasını çətinləşdirib.

Fətullah Gülənin hərbi çevrilişə cəhdindən sonra aparılan əməliyyatlardan ziyan çəkən türkiyəli məmurlar Almaniyada qaçqın statusu almaq üçün müraciət edirlər.

 

Onların arasında hərbçilər, yüksək çinli polislər, diplomatlar var. Hətta Berlində diplomatik fəaliyyətlə məşğul olan onlarla diplomatın qaçqın vəziyyətinə düşdüyü qeyd edilir.

 

2016-cı ilin oktyabr ayında Almaniya Federativ Respublikası Daxili İşlər Nazirliyinin məlumatına görə, 35 nəfər türkiyəli diplomat Almaniyadan qaçqın statusu almaq üçün müraciət edib.

2017-ci ilin yanvar ayında bəlli olub ki, NATO-nun Almaniyadaki hərbi bazalarında xidmət keçən 40 nəfərdən çox zabit istefa verib və Almaniyanın müvafiq orqanlarına qaçqın statusu almaq üçün müraciət edib.

 

Ümumiyyətlə, 2016-cı ilin iyul ayından 2017-ci ilin may ayına kimi 414 nəfər Türkiyənin rəsmi dövlət məmurları qaçqın statusu almaq üçün müraciət ediblər. Onlardan 262 nəfəri diplomatlar və hərbçilərdir.

 

Almaniya KİV-lərin məlumatına görə BAMF (Qaçqınlar və Miqrasiya Üzrə Federal İdarə) Türkiyədə sonuncu referenduma qədər həmin şəxslərə qaçqın statusu verməyib.

 

Lakin Türkiyədə keçirilən sonuncu referendumun nəticəsindən sonra iki həftə əvvəl bəlli olub ki, onların əksəriyyətinin müraciəti təmin edilib.

 

Hazırda Almaniyada 7700 nəfərin qaçqın statusu barədə ərizəsinə baxılır.

 

Onların əksəriyyəti özünü Ərdoğanın siyasətinin qurbanı hesab edənlərdir. Lakin mühacir statusu almaq üçün üz tutan bu şəxslərin FETÖ ilə əlaqələrinin olub-olmadığı qaranlıq qalır.

 

Böyük ehtimalla hərbçi və diplomatların Gülən şəbəkəsi ilə bağlılığı olub və həbs təhlükəsini hiss etdikləri üçün Almaniya dövlətinə qaçqın kimi təslim olurlar.

Bizimxeber.az



Şərh əlavə edin




Yuxarı Geri Ana səhifə